Ár og aldir!

Jæja........greinilegt að Dúskurinn er búinn að vera fremur latur við skrif hérna, enda rúmlega mánuður síðan ég henti inn færslu hérna.
Biðst innilegrar afsökunar á því, en margt átt hug minn milli jól og áramót. Nýja árið byrjaði líka með hvelli, svo það hefur farið tími í að koma sér fyrir, þannig lagað séð.
Fluffan er sem sagt komin í hálfgert orlof í fyrsta mánuði ársins, en þar sem maður er ekki komin með fastráðningu hjá flugfélaginu, þá verður maður víst fyrir því að missa af lestinni þann tíma sem gúrkutíð er í flugheiminum. Jájá, maður verður víst að taka það með jafnaðargeði eins og öllu öðru.....
Annars hef ég reynt að hafa nóg fyrir stafni og efst á listanum er að sauma eitt stykki brúðarkjól fyrir hana Þóru mína, sem gengur niður altarið um miðjan febrúar mánuð! :)
Er á góðu róli með hann og sýnist mér að þetta ætli að takast í rétta tíð. Svo gott að byrja að hanna aftur og leyfa huganum aðeins að vinna.....

Bara smá færsla til að láta ykkur vita af mér lifandi. Lofa skrifa soon!

|